दाेलखाकाे सिंगटीमा ‘नेचर गाइड तालिम‘ सम्पन्न
दाेलखा पुस ५- वागमती प्रदेशकाे दाेलखा जिल्ला अन्तर्गत कालिञ्चाेक गाउँपालिका र विगु गाउँपालिकाकाे दाेसाँधमा रहेकाे सिंगटीमा ‘नेचर गाइड तालिम‘ सम्पन्न भएकाे छ ।
जिल्लास्थित गाैरीशंकर संरक्षण क्षेत्र आयोजनाकाे कार्यालय सिंगटीमा भएकाे साे तालिम ७ दिनसम्म सञ्चालन भएकाे स्थानीय स्राेतले जानकारी दिएकाे हाे ।
मंसिर २८ गतेदेखि सुरु भएको तालिममा दोलखाका १५ जना र सिन्धुपाल्चोकको ५ जना गरी २० जना प्रशिक्षार्थीहरूको सहभागिता रहेको जनाइएकाे छ ।
गौरीशंकर संरक्षण क्षेत्रका आयोजना प्रमुख तुलसी प्रसाद दाहालकाे भनाइ उद्धृत गर्दै यो तालिम पर्यटन प्रवद्र्धन र प्रकृति गाइडहरुका लागि अत्यन्तै उपयाेगी र प्रभावकारी भएकाे बताइएकाे छ ।
कालिञ्चाेक गाउँपािलका वडा नंं. १ र विगु गापा-४ काे सिमानामा पर्ने सिंगटी पर्यटकीय र व्यापारिक मार्गकाे मुख्य स्थल मानिन्छ । दाेलखामा पर्यटन विकासका लागि यसप्रकारकाे तालिम अपरिहार्य भएकाे सहभागी प्रशिक्षार्थीले बताएका छन् ।